11/9 - ഭീകരവാദത്തെ ഗ്രൗണ്ട് സീറോയിലെത്തിക്കുന്നതിന് കാരണമായ വേൾഡ് ട്രേഡ് സെൻ്റർ ആക്രമണത്തിൻ്റെ ഓർമ്മ ദിനമാണ് കഴിഞ്ഞു പോകുന്നത്. ലോകത്തെ ഞെട്ടിച്ച്, അമേരിക്കയിലെ ന്യൂയോർക്കിലുള്ള തന്ത്രപ്രധാന കേന്ദ്രങ്ങളിൽ ഭീകരാക്രമണം നടന്നത് 2001 സെപ്റ്റംബർ 11നാണ്. റാഞ്ചിയെടുത്ത യാത്രാവിമാനങ്ങൾ ഉപയോഗിച്ചായിരുന്നു ആക്രമണം. വേൾഡ് ട്രേഡ് സെൻ്ററിൻ്റെ രണ്ടു ടവറുകളിലേക്ക് വിമാന ങ്ങൾ ഇടിച്ചുകയറ്റി തകർത്തു. ഒരു വിമാനം വിർജീനിയയിലെ പ്രതിരോധ കേന്ദ്രമായ പെൻ്റഗണിൽ ഇടിച്ചിറക്കി. നാലാമത്തെ വിമാനം പെൻസിൽവാനിയയിലെ പാടശേഖരത്തിൽ തകർന്നുവീണു. ആക്രമണങ്ങളിൽ മൂവായിരത്തോളം പേർ മരിച്ചു. അയ്യായിരത്തോളം പേർക്കു പരുക്കേറ്റു. നാശനഷ്‌ടങ്ങളും സമാനതകളില്ലാത്തതാ യിരുന്നു. ഒസാമ ബിൻ ലാദൻ്റെ നേതൃത്വത്തിലുള്ള അൽ ഖായിദ ആയിരുന്നു ആക്രമണത്തിനു പിന്നിൽ. 19 ഭീകരൻമാരാണ് ചാവേർ ആക്രമണ ത്തിൽ പങ്കെടുത്തത്. അമേരിക്കയിൽ അടിയന്തരസഹായത്തിനുള്ള ഫോൺ നമ്പർ 911 ആണ്. ഇതിനു സമാനമായി, 9-ാം മാസത്തെ 11-ാം തീയതി ആക്രമണത്തിനു തിരഞ്ഞെടുക്കുകയായിരുന്നു. സംഭവത്തിൻ്റെ പത്താം വർഷം, 2011 മേയ് ഒന്നിനു പാക്കിസ്ഥാനിൽ അമേരിക്ക നടത്തിയ സൈനിക നടപടിയിൽ ബിൻ ലാദൻ കൊല്ലപ്പെട്ടു. പാക്കിസ്ഥാനിലെ അബട്ടാബാദിലെ രഹസ്യ വീട്ടിൽ ആഘോഷമായി ജീവിച്ചു വരുമ്പോൾ ആണ് ലാദനെ അമേരിക്കൻ കമാൻഡോകൾ അതിവിദഗ്ധമായി കൊന്നത്. മൃതദേഹം കടലിൽ താഴ്ത്തിയെന്നാണ് അമേരിക്ക അറിയിച്ചത്.
September 11: Remembrance Day for terrorist attacks. Reject violence and terrorism.
